BMT-nin baş katibi 200 min rüşvət alıb?

BMT-nin baş katibi 200 min rüşvət alıb?

BMT-nin baş katibi vəzifəsindən getməyə hazırlaşan Pan Gi Mun 200 min dollar rüşvət almaqda ittiham edilir.

Bu barədə "SBS News” məlumat yayıb.

Koreyanın "Sisa Journal" nəşrinin jurnalistlərinin məlumatına görə, Pan Gi Mun 2005-ci ilin yazında Vyetnamın xarici işlər nazirinin Koreyaya səfərinin şərəfinə təşkil edilmiş təbrik naharı zamanı 200 min dollar alıb.

Həmin vaxt Koreyanın xarici işlər və xarici ticarət naziri vəzifəsində çalışmış Pan Gi Mun Vyetnamdan gəlmiş nümayəndə heyətini qəbul edib. Onların arasında nüfuzlu biznesmen, "Taekwang" şirkətinin rəhbəri Pak En Ça da olub. Məlumata görə, biznesmen 200 min dollar məbləğində rüşvəti Pan Gi Muna vermək məqsədi ilə nümayəndə heyətindən bir saat tez Xarici İşlər Nazirliyinin iqamətgahına gəlib.

BMT-nin baş katibi isə bu barədə ittihamları qəti şəkildə rədd edib. O, bildirib ki, Pak En Çanı tanımır. "Tədbirdən əvvəl də, sonra da, onunla tanışlığım olmayıb" – deyə Pan Gi Mun bildirib.



İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.