Əli Kərimli Keniyadan yazdı...

Əli Kərimli Keniyadan yazdı...

AXCP sədri Əli Kərimli uzaq Afrikanın Keniya ölkəsində prezident seçkilərinin nəticələrinin saxtakarlıq iddiaları səbəbindən ləğv edilməsi barədə fikirlərini "Facebook” səhifəsində bölüşüb:

"Eh, yazıq Vətən! Sənə necə qıydılar? Etiraf edin ki, Keniyada (Afrika) prezident seçkilərindən sonra müxalifətin namizədi Rail Odinqa saxtakarlığın miqyasına işarə edərək, "belə kütləvi saxtakarlıq ancaq Azərbaycanda ola bilərdi” deyəndə xətrinizə dəymişdi. Ürəyinizdən keçmişdi ki, gör bu Odinqa bizə nə deyir. Bizə, o millətə ki, təkcə islam aləmində deyil, bütün Şərq dünyasında ilk demokratik respublikanı qurmuşuq, ilk opera, qadınlara seçki hüququ… qalanını da hamınız bilirsiniz.

Təəssüf ki, bu şərəfli keçmiş keçmişdə də qalıb. 25 yaşlı dövlətimizi 24 illik əsarətdən sonra acgöz rejim elə hala salıb ki, Odinqa nə desə haqq edir. Zatən, Odinqa haqlı çıxdı. Onun ölkəsi bu miqyaslı saxtakarlığı qəbul etmədi, Ali Məhkəmə seçkilərin nəticəsini ləğv edib, yeni seçki təyin etdi. Bayram günlərində boş vaxtınız çox olacaq. Ölkəmizin haradan haraya gətirildiyini də bir düşünün.”



İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.