Ətə, balığa həsrət qalanlar…

Ətə, balığa həsrət qalanlar…

«Devalvasiyadan sonra Azərbaycanda bəzi məhsullar arxa plana keçməyə başlayıb, çünki qiymətlər sürətlə bahalaşır. İnsanların bu məhsullara əlçatanlılığı azalır. 2016-cı ildə Azərbaycan əhalisinin ət istehlakı kəskin aşağı düşüb».

Vizual.Az xəbər verir ki, bunu Azad İstehlakçılar Birliyinin sədri, ekspert Eyyub Hüseynov «Bizim Yol» qəzetinə açıqlamasında deyib.

Ekspertin sözlərinə görə, indi bahalıqdan bəzi ailələr tək ət yox, bəzi zəruri qida məhsullarını almırlar:

Ekspert hesab edir ki, bu vəziyyət qıtlığın yaranacağından və bunun ardınca da inflyasiya səviyyəsinin yüksələcəyindən xəbər verir: «Bu gün Azərbaycan vətəndaşı balıqdan, ətdən könüllü yox, məcburi qaydada, bahalıq üzündən imtina edir».

E.Hüseynov bununla belə, hökumət orqanlarının bazarı tənzimləmək səylərini də yolverilməz adlandırır. O hesab edir ki, qiyməti bazar özü tənzimləməli, heç bir halda bu sahədə inzibatçılığa yol verilməməlidir: «Əhali günahın çoxunu hökumətdə görür. Hökumət qurumlarının vəzifəsi ölkədə bolluq yaradılmasını təmin etmək üçün kənd təsərrüfatı sahəsində effektiv siyasət yürütməkdir. Amma təəssüf ki, kənd təsərrüfatı sahəsində siyasət yarıtmazdır».

E.Hüseynov deyir ki, 2015-ci il ilə müqayisədə bu il bayram məhsulları, xüsusilə çərəzlər, quru meyvələr 70 faiz baha satılacaq: «Həmin 70 faizlik bahalaşma isə enməyəcək, çünki Azərbaycanda bir dəfə qalxan qiymətlər, bir daha enmir».