Yasamal sakinindən tikinti özbaşınalığına etiraz - Video

Yasamal sakinindən tikinti özbaşınalığına etiraz - Video

Bakının Yasamal rayonunda Zahid Xəlilov küçəsi, 30A, 36A, 36B, 36V, Əhməd Cəmil küçəsi, 23, 25, 27 və Şəhriyar küçəsi, 5 ünvanında yerləşən binaların həyətində çoxmərtəbəli bina tikintisinə etiraz edən sakinlərdən biri intihar etmək istəyir. Doqquzmərtəbəli binanın damına çıxan sakin özünü atacağını bildirib. Əraziyə polis əməkdaşları gəlib, onlar intihara cəhd edən vətəndaşı fikrindən çəkindirməyə çalışırlar.

Bu barədəvirtualaz.orgsaytına sakinlər məlumat veriblər. İntihara cəhd edən şəxsin kimliyi məlum deyil, ancaq qonşuları onun üç azyaşlı uşaq atası olduğunu deyirlər.

Sakinlərin gözlərinə görə, 20 dəqiqədən artıqdır ki,polislər narazı sakinlə söhbət aparır. "Ötən həftədən bina tikintisinə başlanılıb, ərazidəki su quyusu dağıdılıb. Dəfələrlə etiraz etsək də, nəticəsi olmadı”, sakinlər deyiblər.

Sakinlər ağ parçaya tikintiyə etiraz etdiklərini yazaraq binadan asıblar. Lakin bu gün tezdən polis əməkdaşları plakatların yığışdırılması üçün xəbərdarlıq ediblər. Plakatlar yığışdırılandan sonra isə sakin etirazını intihar etməklə bildirməyə çalışır. Hazırda ərazi nəzarətdədir və sakinlə danışıqlar aparılır.

Qeyd edək ki, 9 mərtəbəli binaların əhatəsində yeni bina tikiləcəyi halda həyətə nəinki avtomobillərin, hətta sakinlərin belə giriş-çıxışı çətinləşəcək.

Yasamal rayonun keçmiş icra başçısı İbrahim Mehdiyev vəzifəsindən azad olunmadan 10 gün əvvəl "Elite City” MMC tərəfindən göstərilən ünvanda-9 mərtəbəli yaşayış binalarının həyətində yeni çoxmərtəbəli bina tikintisinə icazə verilməsi üçün sərəncam imzalayıb. 1 saylı Bakı İnzibati İqtisad Məhkəməsi isə ərazidə yenidən ekspertiza aparılmasına qərar verib. Qərar icra olunmadan tikintiyə başlanılıb.

 




İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.